AUDIENTIA

AUDIENTIA

licet Latinum nomen sit (Cicero namque de Senect. c. 9. Audientiam sibi facere dixit) tamen Canonistae, ut pleraque alia, non apte loquuntur, Audientia causarum, Audientia literarum, Spiegelius apud Ioh. Calvinum Lexic. Iurid. Ita enim Extrav. comm. de dolo et contumac. Factae in Audientia literarum nostrarum, i. e. Cancellaria, ut hodie loquimur. Sed et apud Sulpicium Seu Histor. l. 2.Episcopis audientiam (i.e. iudicium) reservare. Unde Audientialis Charta, quâ quis ad Principis iudicium evocatur ac citatur, apud Marculfum l. 1. form. 28. etc. Vide infra. Etiam vero tributum vel tributi speciem Audientiae vox notat, in Charta Petri Episcopi Salernitani apud Ughellum Tom. I. p. 501. alibique passim: obtmuitque praesertim id nominis apud Aurelianenses, uti docet Car. du Fresne ex Charta Ludovici VII. A. C. 1178. pro Aurelianensibus ex Regesto Philippi Aug. fol. 72. et ex Franc. le Maire in Histor. Aurelian. ubi Audientiam hic reddit Ouance, additque, id vocabuli bannitiones et proclamationes denotare, que fiebant pro iure consuetudinum seu pensitationum, in Hallis publicis, ubi Ministri Audientiales, quos Sergeans Audienciers appellabant, quoslibet bannô publicô invitabant, ad solutionem eiusmodi praestationum, quod in hunc modum concipiebatur:

Entre vous Bourgeois Marchans.

Qui voulez iovir des Ouances,

Venez suivant les Ordonnances,

Paier le droit des Ouances. Aux Halles.

Quibus in Hallis, iis, qui eiusmodi consuetudines seu praestationes quotannis exhibebant ac exsolvebant, a Domanii Exactore vel Receptore, dabatur carnis porcinae fragmentum: erat autem ius Audientiarum unius trezeni, dicebaturque etiam Oyance. At quae vis huius vocabuli, non sat liquet: ambigitque Car. du Fresne, an eô olim intellectae sint eae praestationes, quae ab iis, qui ad placita venfre tenebantur, fiebant, Eulogiarum nomenclaturâ donatae in Polyptico Floriacensi, Si ibi sunt Cavaticarir, debent Kal. Octobr. den. 4. et unam diem in banno et ad 3. Audientias venire cum suis Eulogiis. Iam vero Ministri isti Audientiales, Auscultatores videntur appellari in Charta Philippi Aug. A. C. 1287. pro iisdem Aurelianensibus eius Regesto Herouvalliano fol. 103. apud eundem Car. du Fresne Glossar.